Një person rrëmbehet dhe dërgohet në një mal në Prishtinë, pas disa orësh viktima paraqitet në Polici

08:52 | 27 Shkurt 2024
E.H

Një person ka informuar policinë se shoku i tij është rrëmbyer nga një person dhe është dërguar në një mal në afërsi të Prishtinës, raporton Policia e Kosovës.

Sipas Policisë, pas disa orësh personi që dyshohet se ka qenë i rrëmbyer është paraqitur në stacionin policor, shkruan Arbresh.info.

Nuk raportohet për të arrestuar ndërsa njësitet hetimore janë duke e trajtuar rastin.

“Rr. Fadil Vata, Prishtinë 26.02.2024. Policia ka pranuar një informatë nga një qytetar se një shok i tij është rrëmbyer nga një person dhe i njëjti është dërguar në një mal në afërsi të Prishtinës. Njësitë policore kanë filluar ta trajtojnë rastin. Pas disa orësh personi që dyshohet se ka qenë i rrëmbyer është paraqitur në stacion policor. Njësitë e hetimeve rajonale janë duke e trajtuar rastin. nuk raportohet për të arrestuar”, thuhet në raportin 24 orësh të Policisë së Ksoovës./Arbresh.info